Тöрöл тÿÿкизиле jилбиркеп турган улуска Иван Васильевич Шодоевтиҥ «Кызалаҥду jылдар» деп эл-jон ортодо элбек jарлу тÿÿкилик романын ПДФ-формат ажыра кычырар арга бар.
«Кызалаҥду jылдар» деп романда бÿткÿл калыктыҥ салымы jуралган. Ол ок öйдö тÿÿкилик керектер чындык айдылат: алтайлар орус каандыктыҥ тергеезине кирип, наjылык кÿÿн-тапты бÿдÿмjилеген. Романда калыктыҥ атту-чуулу бöкöлöриниҥ сÿр-кеберлери кöргÿзилет. Автордыҥ айтканыла, «оло öскö jердеҥ келип, табару эдип, улусты кырып, тоноп ло олjолоп турган öштÿлерге кöп катап удурлажып, тöрöл jери ле калыгы учун ат-нерелÿ jуулашкан».
