Кӱндӱлӱ кычыраачылар! Тӧрӧл тилдиҥ кӱнине учурлалган «Тилим мениҥ jӱзӱн ӧҥдӧрлӱ» деп викторинага туружып, алтай чӱмдемелдерди ле бичиичилерди эске алынып, бойыгарды ченеп кӧрӱгер.

                 Тилим

Чактар ӧткӱре улалган jӱрӱмде

Чайбалган теҥистиҥ ийдезин кӧрӧдим.

Кижидеҥ кижиге кӧчкӧн тилимде

Кижиниҥ тӱгенбес байлыгын сезедим.

Айрылып ыраакка jоруктап барарда

Алкыш сӧстӧрлӧ тилибис толотон.

Бурулып ойто айылга jедерге

Буудакту jерлерде jайаачы болотон.

Камык jондор ортодо jӱргемде

Кара jаҥыс тилим аҥылайт.

Кару тӧрӧл jериме jеткемде

Кайран тилим jӱректеҥ jаҥарлайт.

                              Кереес Кензин

Ссылказы: https://forms.gle/sU33sMTrefJP564a7