Борис Укачинович Укачин (1936-2003) 1936 jылда кочкор айдыҥ 18-чи кӱнинде Оҥдой аймакта Кайырлык деп jуртта чыккан. Борис Укачин проза ла поэзияныҥ 40 кирелӱ бичигиниҥ авторы. Бичиичиниҥ кӧп тоолу чӱмдемелдери ӧскӧ тилдерге кӧчӱрилген. Оныҥ алтай тилге кӧчӱргени база кӧп лӧ jарлу.

«Ӧлтӱрген болзом тороны» деген чӱмдемели 1981 jылда чыккан «Сӱӱш ле ӧштӧжӱ» деп бичикте jарлалган. Бичиктиҥ кире сӧзинде автор мынайда бичийт: «…Бу бичиктиҥ тӧс геройлорыныҥ бирӱзи - мениҥ ӧйим. А оныҥ тӧзӧлгӧзи ле ӧзӧги – эске алыныш. Мында бастыра болуп jаткан керектер шак ол эмеш каткымчылу ла бир кезикте эрикчелдӱ кижиниҥ - мениҥ jаш тужымда нӧкӧрим ле башчым болгон Борбок-Караны ла ӧскӧлӧрин де эбире айланыжат…»

«Ӧлтӱрген болзом тороны» деп автобиографиялык повесть аайынча тургузылган интерактив диктанттыҥ ссылказы.