Караҥ (Анатолий) Дмитриевич Кошев (1946-2007) – поэт, прозаик, драматург, кӧчӱреечи.
Караҥ Кошев 1946 jылда чаган айдыҥ 2-чи кӱнинде Улаган аймакта Кӧӧ деп кичинек jуртта чыккан.

1968 jылда Москвада автомобиль jолдор jазаары аайынча институтты божодып, узак ӧйдиҥ туркунына Коми АССР-да иштеген. К. Кошев куучындар ла повестьтер, кӧп тоолу ӱлгерлер чӱмдеген. 1994 jылдаҥ Россияныҥ бичиичилер Бирлигиҥ турчызы болгон. 2005 jылда Алтай Республиканыҥ Кӱндӱлӱ кижизи деп атла адаткан. 2007 jылда jада калган.

Кӱӱнзеген улус бичиичиниҥ «Табын» деп куучыныла тургузылган интерактив диктантка туружып кӧрӱгер.

Ссылказы: https://learningapps.org/watch?v=pzh87rcqn25