2025 jылдыҥ кӱчӱрген айыныҥ 14-чи кӱнинде  «Алтайдыҥ Чолмоны» газетте Т.Е. Орсулованыҥ «Чолушман ӧзӧктиҥ тилиниҥ байлыгы» деп статьязы чыккан. Статьяда С.М. Сартакованыҥ чӱмдемелдериниҥ тилиниҥ байлыгы шиҥделген.

Сурайа Сартакованыҥ бичижи аҥылу, сӧзи тӧп, ÿни килемjилÿ, айдынганы быйанду, алкаганы учурлу ла тили байлык. Чолушман ӧзӧк капчал, кайыр ла казыр. Тӧрӧли «ай сÿрлÿ тала», «чӧрчӧккӧ тÿҥей эрjине jер». Бойы дезе чыдамкай, jобош кылыкту, jерис ле ошкош кеен ле бай jÿректÿ.

Автор бойыныҥ jуунтыларында  Чолушман ӧзӧктиҥ тилин,  сӧстӧрин тузаланган, оныҥ учун  кычыраачыларга кӧп таныш эмес сӧстӧр учурайт. Чокумдап айтса, бичиичи «Ак-Чолушпа Алтайым» деп jуунтызында эл-jонныҥ jер-бойыныҥ куучынын тузаланган. Мында С. Сартакова Тӧрӧл ӧзӧк-кобызыныҥ, jуртыныҥ, билезиниҥ jебреннеҥ ала бу ӧйгӧ jетире тÿÿкизин, Улаган аймакта jаткан улустыҥ угы-тӧзин, чÿм-jаҥдарын, чӧрчӧк-сооjыҥын jууган. Бу jуунты ажыра С. Сартакованыҥ тӧрӧлин баалаганы, албатызыла оморкогоны jарталды.

Кычыраачыларды берилген статьяда Чолушман ӧзӧктиҥ  тилинде учураган jилбилӱ сӧстӧрлӧ таныштырарга ченештис.

М.В. Чевалковтыҥ адыла адалган эл библиотеканыҥ ишчилери Сурайа Михайловнаны  толо jажыла уткуп, элдеҥ озо су-кадык, билезинде ырыс, кеендик телекейинде бийик jедимдер кӱӱнзейдилер. 

Бистиҥ байзыҥга туштажуларга, jаҥы бичиктердиҥ презентацияларына кычырып турубыс. 

Тамара Емельяновна ОРСУЛОВА, тил билимдердиҥ кандидады, доцент

Т. Е. Орсулова, С. М. Сартакова,  «Алтай тилдиҥ кӱни»  Горно-Алтайск кала, М.В. Чевалковтыҥ адыла адалган эл библиотека, ӱлӱрген айдыҥ 20-чи кӱни,  2025 j.