Улужай Садыков (1932-1996 јј.)

Улужай Сергеевич – кӧп бичиктердиҥ авторы. Тили ээлгир ле чечен, учурлу ла укаалу бичимелдери эл-јонысты ӧкпӧӧртип, сӱӱндирип ле оморкодып, канат берет. Оныҥ эткен ижи, јайаган чӱмдемелдери улу-јаан кереес болуп ӱргӱлјиге артып калар.

Узак јылдарга улай республиканыҥ телерадиокомитединиҥ јааны болуп иштеген. Јууныҥ-чактыҥ ӧйлӧринде ӧскӱс-јабыс артып, тогус јаштаҥ ала кату-кабыр иштер эдип, «За доблестный труд в Великой Отечественной войне 1941-1945 гг.» деп медальла, Башкаруныҥ кӧп тоолу кайралдарыла, ол тоодо эрчимдӱ ле кӧрӱмјилӱ ижи учун СССР-дыҥ телекӧрӱлте ле радиоберилте аайынча Госкомитединиҥ Кӱндӱлӱ грамотазыла, «Отличник Гостелерадио СССР» деп темдегиле кайралдаткан.

Кӱндӱлӱ кычыраачылар, «Јайалталу бичиичи ле јарлу журналист» деп кӧрӱге кычырып турбыс!